മഞ്ഞക്കണിക്കൊന്നപ്പൂവും കൊണ്ടേ,
മണ്കുടത്തില് കുളിരും കൊണ്ടേ,
വന്നുവല്ലൊ മേടമാസപ്പുലരിപ്പെണ്ണ്.
കര്ണ്ണികാരപ്പൂക്കള് കൊണ്ടൊരു പന്തലൊരുക്കി - അവള്
കന്നിമണ്ണിന് കരള്നിറയെ കുളിരു പകര്ത്തി.
വിശ്വമേ, നിന് സര്ഗ്ഗസംഗീതമധുവുമായ്,
വിഷുപ്പക്ഷി പാടാനെത്തി 'വിത്തും കൈക്കോട്ടും'.
ഇത്തിരി മധുരത്തിന് ഇന്ദ്രജാലങ്ങളാല്
മറ്റൊരു വേദിക തീര്ക്കുന്നു ഭാവന....
മന്ദ്രമുഖരിതമാക്കുന്നു സാധന!
നിത്യതേ, എന് ജന്മസങ്കേതവാതിലില്
ചൈത്രമാസതിലെ സംക്രമസന്ധ്യയില്
പിച്ചളപ്പാല്ക്കുടമൊക്കത്തു വച്ചൊരാ-
പത്തരമാറ്റുള്ള കനവിന്റെ കാമന...
കനകച്ചിലങ്കകള് ചാര്ത്തുന്നു കഴലിലണ!
Subscribe to:
Post Comments (Atom)
1 comment:
നന്നായിരിക്കുന്നു മാഷേ
:)
Post a Comment